2023-mi qamutit motoorillit nalunaarsukkat
Biilit suli amerliartorput
2023-mi januaarip aallaqqaataani biilit 6.549-t nalunaarsugaasimapput. Ukiup ataatsip ingerlanerani 5,0 pct.-imik imaluunniit 309-nik biilit amerlisimapput. 2023-mi januaarip aallaqqaataani biilit usisaatillit 1.699-it nalunaarsugaasimapput ukiup siulianut sanilliullugu 1,1 pct.-imik amerlisimallutik, titartagaq 1 takuuk.
Titartagaq 1. 1. januaarimi biilit aamma biilit usisaatillit amerlassusaat
Najoqqutaq: Akileraartarnermut Aqutsisoqarfimmi qamutit motoorillit nalunaarsorsimaffiat Naatsorsueqqissaartarfimmit misissoqqissaagaq
Kisitsisaataasivik: https://bank.stat.gl/ENNMO1HI
2023-mi januaarip aallaqqaataani qamutit 14.511-t nummerpladillit nalunaarsugaapput. Taakkunannga 14.052-it motooriliupput, 459-illu kalitaallutik.
Saqqummersitami paasissutissat Akileraartarnermut Aqutsisoqarfimmi qamutit motoorillit nalunaarsorsimaffiat tunngavigalugu suliarineqarput. Qamutit motoorillit akileraartussaatitaaneranut inatsit malillugu qamutit motoorillit aamma kalitat nalunaartussaatitaasut tamarmik nalunaarsuiffimmi ilaapput. Qamutit motoorillit ukioq affakkaarlugu akileraartussaatitaasut aamma qamutit motoorillit akileraartussaatitaanngitsut ilaapput. Nalunaarsuiffimmi pineqartut tamarmik nummerpladeqarput. 2013 aallarnerfigalugu snescooterit, traktorit, qamutit kalitat, lastbiilit kalitarsui il. il. Nalunaarsuiffimmut ilanngunneqarput.
Malugiuk, Naatsorsueqqissaartarfimmit ukiut tamaasa qamutit motoorillit ilaatigut qamutit ataasiakkaat pillugit nutaanik paasissutissanik ilalerlugit nalunaarsorneqartarput. Taamaattumik nalinginnaasumik ukiut tamaasa qamutit motoorillit nalunaarsukkat iluarsaaneqartarput.
Nalunaartussaatitaasut saniatigut qamutit motoorillit nalunaarsuiffiannut nalunaartussaatitaanngitsunik peqarpoq. Tassaapput qamutit motoorillit ungalusani inunnit orninneqarsinnaanngitsuni imalluunniit avinngarusimasuni atorneqartut. 2022-mi januaarip aallaqqaataani qamutit motoorillit 5.095-it akileraartussaatitaanngillat, takussutissiaq 1 takuuk.
Takussutissiaq 1. 1. januaarimi qamutit motoorillit nalunaarutigineqarsimasut, akileraarusigaanerinut immikkoortillugit
|
|
2019 |
2020 |
2021 |
2022 |
2023 |
|
Katillugit....................... |
11 .145 |
11 .962 |
12 .815 |
13 .843 |
14 .511 |
|
1.000 kg angullugu, qamutit motoorillit .. |
1.500 |
1.693 |
2.789 |
1.525 |
1.565 |
|
1.001 kg - 1.200 kg, qamutit motoorillit .. |
756 |
777 |
802 |
771 |
753 |
|
1.201 kg - 1.500 kg, qamutit motoorillit.. |
1.781 |
1.796 |
1.803 |
1.803 |
1.731 |
|
1.501 kg - 1.800 kg, qamutit motoorillit.. |
1.281 |
1.244 |
1.250 |
1.198 |
1.165 |
|
1.800 kg qaangerlugu, qamutit motoorillit. |
1.337 |
1.414 |
1.491 |
1.602 |
1.674 |
|
Motorcyklit ...................... |
3 |
4 |
3 |
3 |
4 |
|
ATV-it ......................... |
- |
- |
- |
1.273 |
1.588 |
|
Qamutit motoorillit akitsuusigaanngitsut |
- |
- |
- |
573 |
670 |
|
Ilisimaneqanngitsut |
4.487 |
5.034 |
4.677 |
5.095 |
5.361 |
Najoqqutaq: Akileraartarnermut Aqutsisoqarfimmi qamutit motoorillit nalunaarsorsimaffiat Naatsorsueqqissaartarfimmit misissoqqissaagaq.
Malugiuk: 2022 aallarnerfigalugu Akileraartarnermut Aqutsisoqarfimmit ATV-mik, ilaannakortumik innaallagiatortunik biilinik aamma biilinik innaallagiaannarmik ingerlasartunik akileraartarneq allanngortinneqarnikuuvoq. ATV-iilli ilaanik nalunaarsuinerit 2022-imeersuupput, taakku *1.000 kg. Angullugu, qamutit motoorillit’-nut ilanngunneqarnikuupput.
Ukiut ingerlaneranni biilit inunnik assartuutit amerlatsikkiartuaarsimapput, titartagaq. 2023-mi januaarip aallaqqaataani biilit 6.549-usimapput taakkunannga 4.299-it inunnit pigineqartut, 2.250-illu suliffeqarfinnit pigineqartutut nalunaarutigineqarsimallutik. 2013-imi nummerpladellit nalunaartussanngortitaanerisa kingorna qamutit motoorillit inuinnarnit suliffinnillu pigineqartut amerlatserujussuarput. Titartakkami 2-mi qamutit motoorillit allat aamma qamutit motoorillit ilaapput biilit inunnit pigineqartut titarnermut tassunga ilanngunneqanngillat. Qamutit kalitat, usisaatit il.il. titartakkamut ilanngunneqanngillat.
Titartagaq 2. 1. januaarimi qamutit motoorillit inunnit pigineqartut aamma suliffeqarfinnit pigineqartut nalunaarutigineqarsimasut amerlassusaat
Nalunaarut: Qamutit kalitat titartakkami ilaanngillat. Qamutit motoorillit inunnit pigineqartut ilaatigut tassaapput snescooterit, taakku 2013-imi nummerpladelinnik nalunaartussanngortitaaneq pissutaalluni 2014-imi nalunaarutigineqartut amerlasoorujussuupput.
Najoqqutaq: Akileraartarnermut Aqutsisoqarfimmi qamutit motoorillit nalunaarsorsimaffiat Naatsorsueqqissaartarfimmit misissoqqissaagaq.
Kisitsisaataasivik: https://bank.stat.gl/ENNMO1HI
Politiit kisitsisitigut paasissutissaataat malillugu 2022-mi qamutit motoorillit 2.987-it nalunaarsorneqarsimapput, titartakkami 3-mi tamanna takuneqarsinnaavoq. 2021-mut sanilliullugu 0,7 pct.-imik appasinneruvoq, 2012-imut sanilliullugu amerlanerujussuupput, tassa quleriaat sinnilaarlugu amerlanerugamik, taamani qamutit motoorillit 262-it nalunaarsorneqarsimapput. 2012-imit qamutit motoorillit amerlatserujussuarnerannut pissutaavoq maskiinat entreprenørit atortagaat, qamutit kalitat, lastbiilit kalitaat, traktorit il. il. Nummerpladeqartussanngortitaanerat aamma nalunaarutigineqartussanngortitaanerat. 2002-mi, 2013-2022-mi nutaatut nalunaarutigineqarsimasut kisitsisaat immikkuullarissut Kalaallit Nunaanni Politiinit akuerineqarput. Politiit ukiumoortumik nalunaarusiaat takuuk.
Politiit ukiumoortumik nalunaarusiaanni qamutit motoorillit nutaat nalunaarutigineqartarput. Naatsorsueqqissaartarfimmit aalajangiunneqarpoq qamutit motoorillit pillugit politiit paasissutissaataat atorneqassasut, taamatut aalajangernermut pissutaavoq, Akileraartarnermut Aqutsisoqarfimmit qamutit motoorillit nutaat allatut nalunaarutigineqartarnerat.
Nutaatut nalunaarsorneqartarput siullermeerluni nutaatut nalunaarnermi, nutaamik nalunaarsorneqaqqinneri ilanngunneqarneq ajorlutik.
Titartagaq 3. Biilit inunnit pigineqartut nutaat nalunaarsukkat
Najoqqutaq: Kalaallit Nunaannit Politiit – Ukiumoortumik kisitsisitigut paasissutissiaq
Malugiuk: 2002-mi, 2013-2021-mi nutaatut nalunaarutigineqarsimasut politiinit akuerineqarnikuupput.
Kisitsisaataasivik: https://bank.stat.gl/ENNMO4NY
Biilit innaallagiaq tamakkiisumik atorlugu aamma innaallagiaq tapiliussatut atorlugu ingerlatillit (hybridbilit) nalunaarsukkat amerliartorput. 2022-mi Kalaallit Nunaannit Politiit – Ukiumoortumik kisitsisitigut paasissutissiaanni 727-t innaallagiamik tamakkiisumik ingerlateqarput, 810-t hybridbiliupput plug-in atorlugu innaallagiaq tapertaliullugu ingerlasarlutik. Qamutit motoorillit 105-it innaallagiaq tapiliullugu ingerlasartut (hybridbiilit) nalunaarutigineqarsimapput. 2020 sioqqullugu innaallagiamik ingerlatillit aamma innaallagiaq tapiliullugu ingerlasartut (hybridbiilit) tamarmik innaallagiamik ingerlasartutut nalunaarutigineqartarsimapput.
Takussutissiaq 2. Biilit innaallagiaq tamakkiisumik atorlugu ingerlatillit aamma innaallagiaq tapiliussatut atorlugu ingerlatillit
|
|
2018 |
2019 |
2020 |
2021 |
2022 |
|
Katillugit |
482 |
643 |
977 |
1.466 |
1.642 |
|
Innaallagiaq taamaallaat............. |
482 |
643 |
747 |
841 |
727 |
|
Hybrid plug-in atorlugu innaallagiamik tapertallit |
… |
… |
203 |
554 |
810 |
|
Hybridit......................... |
… |
… |
27 |
71 |
105 |
Najoqqutaq: Kalaallit Nunaannit Politiit – Ukiumoortumik kisitsisitigut paasissutissiaq
Kisitsisaataasivik: https://bank.stat.gl/ENNMO4EL